小安私記

胡思亂想的一天～～

2006-08-27T02:59:00.000+08:00

呢個星期除左忙，就係忙～～但發覺到原來我的數學真係麻麻地啦～～所以要搵人惡補下咁囉～～ｋａｋａｋａ～～咁要搵咩野人呢～～小妹都已經有個定案啦～～

　　咁另外一樣野，就係小妹呢個ｗｅｅｋ裡面都諗左好多野～～朋友的定義係咩野呢？朋友之間的義務又係咩野呢？好朋友的位又係邊度呢？
　　
　　真係想講句，我地唔係你的跟班囉，唔會隨傳隨到架，有時都唔該你ｆｅｅｌ　ｆｏｒ我地好唔好呀？有時人地想約你果時，你又唔知係度擺咩野小姐款，又話唔得閒又話乜，咁人地唔約你啦，你又話人地唔理你，喂～小姐呀，我真係想問下你，家陣係咪得你一個要做野呀，我地都有野要做架，好難得就到出黎玩，你又話呢樣又話果樣，唔肯出黎，咁你想我地點呀，唔通下下都要等你大小姐通知我地咩～～咪玩啦～咁樣我地都有ｂａｄ　ｆｅｅｌｉｎｇ架～～

　　我知道熟我的都知道我想講咩，但我又會諗，其實我有冇真係做到好朋友呢樣野呢？我自己都唔知，有時會覺得自己已經做左，但發覺原來係無，但當你無果時，你身邊的人又覺得你已經做晒，咁其實呢個位究竟係邊呢？

哇哇哇～～超開眼界呀～～

2006-08-20T20:55:00.000+08:00

　點解咁講呢？事緣係阿ｆｉ同“載屎”去左呢個海泉灣溫泉渡假喎～～咁大家都知啦，浸溫泉就都著少ｄ啦，咁“載屎”呢去之前就已經先著左小背心加短褲仔啦，跟住去到浸溫泉果時，大家放心，佢有著衫架，不過只係著左件一件頭的泳衣咋，但都ｏｋ架，放心，我有望多兩眼架～～ｋａｋａｋａ

　　咁樣呢～第二日我地的行程雖然趕左少少，但我地都有去做ＳＰＡ呀，咁做ＳＰＡ既難免無衫著啦，咁做之前梗係要黎個ｂａｔｈ先架嘛，咁我地都有做呢ｄ野喎，我地仲要兩個人一齊浸浴呀，天呀，我都已經係最大極限啦～～但“載屎”居然真係“括”左出去啦，我地做全身按摩果時，咁個姐姐問我地做唔做埋個胸喎，咁因為阿ｆｉ“括”唔到出去呀，所以無做，但“載屎”就真係有做呀～～咁阿ｆｉ無裝佢呀，我全程要忍住唔可以笑出聲耶，都幾辛苦架～～同埋做完第二日就好似比人打左一身咁．．．散晒呀．．．

　　咁返黎後呢，阿ｆｉ有好重要的野要做呀．．．就係去美食博覽呀～～嘩～～阿ｆｉ呢都買左少少野食咁啦，但強調，我唔係去增肥架～～～

呢幾日小妹就係咁過左啦～～報告完畢～～

超開心呀～～

2006-08-16T23:45:00.000+08:00

終於都有得叫做去旅行啦～雖然始終踏唔出中國的版圖，但都叫做離開過丫嘛．．．ｋａｋａｋａ

現在已經係晚上的１１：４０分喎，但係我仲未執過我的野呀，聽日點算呀，仲要早起喎，咁．．．唯有努力ｄ啦，如果得的話～～

仲有原來漫遊都可以有視像架～～所以我係可以打視像返黎的，但我唔識打喎，因為通常都係人地打比我，咁我其實係要點呢．．．等我慢慢研究下啦～～馬蹄婉薇你等我的電話啦，我一定記得打比你架～～

救命呀～～好驚呀～～＝口＝｜｜｜

2006-08-15T22:38:00.000+08:00

救命呀～～今日終於都睇左ｍｏｎｓｔｅｒ　ｈｏｕｓｅ喎，咁諗住係卡通片都唔慌會勁驚啦～～但點知係超得人驚呀～～睇到我係度不斷講好驚呀、好驚呀咁樣喎～～

咁另外呢，偉民走左啦，尋日我仲“ｏｎ居居”咁問『點解ｒａｙｍｏｎｄ仲未返工既？佢係咪ｓｉｃｋ　ｌｅａｖｅ呀？』跟住“馬蹄婉薇”就話『佢今日開始返新工呀...』噢～～～我完全ｔｕｎｅ唔到呀～～一時之間習慣唔到添～～點算呢～～

咁仲有呢～～就係大銘話佢公司請人喎，問我有冇興趣試下，總之就去試啦，得唔得一件事丫嘛，依家蝕晒呀～～無陰功～

咁講住咁多先啦～諗到就再ｒｅｐｏｒｔ啦～～

唔～～～超無奈的一天耶

2006-08-11T23:32:00.000+08:00

唉～～偉民今日ｌａｓｔ　ｄａｙ啦，咁個ｉｔ　ｄｅｐｔ就得返“黃尚宮”同“柯士癲”撐場咋，可憐哦～～辛苦晒兩位啦～～～

咁阿ｆｉ呢就梗係繼續行行企企，周圍拱啦～～唔好蝕丫嘛，暑假完左就無得咁啦，所以要“ｈａｅ”盡佢呀～～

原本上個ｗｅｅｋｅｎｄ諗住返深圳做“黃尚宮”介紹的ｍａｓｓａｇｅ架，因為都問好晒，同講好左，但點知後來無左件事，搞到我空歡喜一場呀～～～唉～～不過都好，ｎｅｘｔ　ｗｅｅｋ可以同小妍去浸溫泉仔呀～～得我有得同小妍去咋～～～哈哈哈～～～平時佢唔會著咁少布架嘛～～所以要望多兩眼，唔好蝕呀～～大家係咪好羨慕我呢～～～不過無你地份喎～～～ｋａｋａｋａ

嘩～～ｎｅｘｔ　ｗｅｅｋ就係美食博覽啦，超期待呀～～

無陰功呀～～

2006-08-09T23:45:00.000+08:00

唉～～ｐａｓｓｐｏｒｔ無啦，無得坐“ｆｒｅｅ支”呀，不過算啦，ｎｅｘｔ　ｗｅｅｋ都有得同小妍去浸下溫泉仔囉，咁都無咁ｈｕｒｔ～～同埋最最最最最重要的係，第一次同小妍去旅行哦～～ｋａｋａｋａ

但係我地係ｎｅｘｔ的ｔｈｕｒ　＆　ｆｒｉ去喎，咁ｓａｔ　＆　ｓｕｎ點算呀？所以ｐｌａｎ梗去唔去ｍａｃａｕ好呢？超苦惱呀～～

另外，阿ｆｉ勁呀，尋日同小妍同埋幾個同事＋學生係學校做到１０點幾先走呀，今日又要返早喎，然後仲要放６點幾添呀，但我都唔愛呢間學校，我因乜事要做到咁ｌａｔｅ喎～～嗚嗚

黑仔呀～～～

2006-08-06T23:50:00.000+08:00

事緣呢就係咁０既．．．

咁阿ｆｉ一路都唔記得寄份ｐａｓｓｐｏｒｔ的申請表喎，咁等到終於記得寄的時候，居然比呢個乜鬼證件ｘｘ組ｒｅｊｅｃｔ我呀～～～原因係加左價，我張ｃｈｅｑｕｅ的ａｍｏｕｎｔ唔夠數，所以申請唔到喎，但衰就衰在去台灣如果申請落地簽証的話，係要出ｐａｓｓｐｏｒｔ架，就算有台証都係呀～～上次係ｋｕｒｔ幫我搞，所以我懵盛盛唔知道要呀～～唉～～咁唯有拿拿林買ｐａｃｋａｇｅ等旅行社出ｒｅｃｅｉｐｔ比我去申請本ｐａｓｓｐｏｒｔ啦～～酌情權喎～～原來咁就有酌情權架，ｄ乜鬼議員駛鬼動輒就話去遊行咩，真係無野搵野搞呀～～～

咁就係咁上下啦～～呢個ｗｅｅｋ同阿杰去左紋身，終於佢都紋啦，超型仔呀，簡直愛死佢．．．個紋身啦～～～哈哈哈～～～我都想紋呀～～但係我要平時放工去啦，因為佢假期唔開架～～古古怪怪咁～～～

３號風球～～

2006-08-03T20:38:00.000+08:00

唉～～今朝一起身即刻開電視，點知ｓｔｉｌｌ３號仔呀，唉～～放假無望啦～～

跟住阿ｆｉ又唔記得帶傘喎，好加在無雨咋～～之但係放工果時超勁爆大雨呀～哈哈～不過有個好好工友借（偷）左把傘比我囉～～不過又唔知邊個係物主喎，ｋａｋａｋａ～～～

咁都ｏｋ啦，同個ｆｄ一齊去搭車啦，點知勁鬼驚呀，個車係條橋度勁鬼塞車喎，而呢個風又勁喎，吹到架車係搖搖下，搞到我暈車浪呀，落車果時頭又暈，又想嘔喎，我仲好搞笑咁同個ｆｄ講，好在你同我一齊咋，萬一有咩野事落到去都有人一齊排隊無咁悶丫嘛～～～ｋａｋａｋａ

丫丫丫～～～仲有～唔知阿ｆｉ個台灣之旅去唔去得成呢？又唔知我個ｐａｓｓｐｏｒｔ幾時先有得攞呢～～～乜都唔知呀，點算呀～～～救命呀～～～

好啦～～～報告完畢～～～ｏｖｅｒ～～

唉～～無奈呀～

2006-08-01T21:04:00.000+08:00

阿ｆｉ原本好想睇子狐物語架，點知因為要等某人，搞到無得睇，仲要比人怪我自己唔睇左先呀，又話要等埋一齊睇，咁即係點呀？？？以後都唔約佢地去睇戲呀～～激鬼死

另外～～阿ｆｉ以後的放工時間有變動呀，放好鬼早呀～～不過就好古怪啦～星期一到四就放１６５０喎，星期五就１６４０～～天呀～咁點去街呀，玩我咩～～不過都好，可以返屋企訓下丫嘛～～～ｋａｋａｋａ

好啦～～阿ｆｉ仲發現到一樣野，就係我的朋友已經唔係我的朋友啦～～居然係我個場度咁踩我，算點呀？玩野呀～～一個二個死仔，都話左佢原本係唔黎架，唔知做咩無端端路過之嘛，同埋佢走左啦～～係非常趕果隻呀～～激鬼死～～～～

多麼無聊的一週哦～～

2006-07-28T22:29:00.000+08:00

阿ｆｉ無無聊聊咁就過左一個ｗｅｅｋ啦～～日日返工就打機、聽歌、睇電視跟住就放工～咁個暑假就係咁無左啦～～～唉～～～

不過由尋晚開始，阿ｆｉ又過返拉肚子跑ｔｏｉｌｅｔ的生活啦～～原本尋晚阿ｆｉ諗住訓浴缸架，因為費時跑黎跑去丫嘛，點知比姐姐話我發神經，所以係要繼續跑ｔｏｉｌｅｔ的生活～～

另外～～阿ｆｉ係８月中同小妍去台北旅行，各位有興趣的朋友仔可以報名的～～預計會係８月１２－１５呢段時出發啦，歸期就未知（因為唔知去幾日呀）但最盡只可以一個ｗｅｅｋ啦，因為８月尾有野做呀～～唉～～但都好呀，有得去旅行～～

仲有呀～～阿ｆｉ今日受到一個好嚴重的詛咒呀，就係領主佢詛咒我如果去ｉｎｔｅｒｖｉｅｗ的就黑足一個星期呀～～咁人地都係星期一放下假仔之嘛，唔通咁都有錯咩～～～無陰功呀～～

勁呀～～仲要係２個添

2006-07-23T23:28:00.001+08:00

事緣係尋日阿ｆｉ同“靜阿嬏”（係佢自己係阿嬏先架～）去左行書展呀～～我為左裝備自己，所以我買左簡體字的書睇（其實係貪平同埋真係得簡體字版呀）ｋａｋａｋａ．．．所以呢道係值１個勁架

另一個勁係咁架～～～

阿ｆｉ自己ｃｏｕｎｔ過啦，我連續３個星期都有去沙灘玩呀～～～除左第１次係去淺水灣之外，另外２次都係赤柱呀～～～今次仲識左幾個朋友仔添呀～～～ｋｅｎｔ、ｇａｒｙ　＆　ｔｉｍｏｔｈｙ（好似係咁串架）其中阿ｋｅｎｔ係鬼鬼黎架～～～ｏｋ靚仔啦，當然點都唔及我班好朋友仔靚仔啦～～～（我係被迫咁樣講，唔係會比人分屍架）

仲有，阿ｆｉ之前講果樣野，大家係仲要幫阿ｆｉ留意架～～拜託啦～～

好啦～～報告完畢～～ｏｖｅｒ

唉～心情不怎麼好的一天

2006-07-20T08:24:00.000+08:00

昨天去了書展，都ｏｋ多野睇，但心情始終都不怎麼好，因為某點原因吧～～但是什麼就不說啦，相信大家都知道的，所以大家要記得幫阿ｆｉ留意啦，拜託各位啦

咁大致上就係咁啦，無乜ｍｏｏｄ啦，諗到再加啦．．．

嘩～～差少少激死左呀＝０＝｜｜｜

2006-07-18T11:23:00.000+08:00

事緣早兩日小妹做野做到意興闌珊，咁諗住同ｋｕｒｔ講“你不如娶我啦”，但佢居然問我“點解呀？”

我地當時的對話就係咁架...

（前面一堆無聊野可以刪左唔駛講啦...）

ｆｉｏｎ：ｋｕｒｔ, 不如你娶我啦，我地結婚囉...
ｋｕｒｔ：なぜ
ｆｉｏｎ：難度はあなたは私と結婚したくないか？（氣憤中的對話）
ｋｕｒｔ：あなたはワールドカップを見たかどうか？（好明顯係轉移話題）
ｆｉｏｎ：ｉ　ｄｏｎ’ｔ　ｗａｎｔ　ｔｏ　ｔａｌｋ　ｗｉｔｈ　ｕ　ａｒ....

跟住大家話我係咪會比佢激死丫...無陰功呀...

咁佢今朝都有打返電話比我，問我係咪結婚，跟住我好死蠢呀，我話唔嫁啦，就算嫁都唔嫁比你呀...呀．．．我發覺自己超白痴呀，做乜唔嫁喎，嫁左咪唔駛做囉．．．真係欲哭無淚呀．．．

多麼辛勞的一天哦～

2006-07-12T22:44:00.000+08:00

唉～今日差少少做死左，都唔明點解成日都要做埋ｄ咁的野架，救命呀～～

另外小插曲一段～～

話說今日同ｄ同事仔去元神食個飯仔啦，點知唔知做乜叫左個魚的ｓｅｔ　ｌｕｎｃｈ喎（我堅持佢個名係完全無魚呢個字眼架）唉～～～咁唯有頂硬上食啦～～不過，好彩仲有好同事～～嘿嘿～～唔駛食，咁我好勁呀～～洲長唔食生的魚，我幫佢食晒呀～～～所以我覺得我係有１０個勁架～不過呢間野都勁搞笑喎，叫餐飲的時候佢居然得柑桔蜜，檸水同埋ｃｏｆｆｅｅ咋，佢連檸茶都無呀～～～

好～～報告完畢～～ｏｖｅｒ

嘩～好朋友～我愛你們

2006-07-11T23:17:00.000+08:00

親愛的好朋友們哦～～（←係咪好“行”呢？但例牌點都要咁開頭啦）

小妹真係要多謝各位呀～因為安爸爸同安媽媽旅行期間，多謝大家的照顧～～

所以係度要特別嗚謝以下各位：

天賜、大佬昌、阿輝、昌哥、ｓｔｅｐｈｅｎ，
ｋｅｌｖｉｎ、偉龍、＜“租”叔叔＞、邦、霆，
肥輝、文傑、ｊａｎｉｃｅ、阿ｆａ、大銘、細銘，
ｔｉｆｆ、標炳哥、銓仔、小儀、仲文，占爺，
仲有好多好多，不能盡錄，敬請原諒～～

但小妹又要講，安爸爸同安媽媽剛回來不久，就又去過旅行啦～～所以係未來的日子，還有望大家多多關照啦　～ˍ～｜｜｜

唉～情緒極度低落的一天

2006-07-10T20:54:00.000+08:00

法國隊輸左啦～係１２碼的時候輸左呀～我的心情就即時欲哭無淚～唉

跟住尋晚睇完波後，心情確實係平復唔到，跟住同偉龍佢地一大班人去左傾計～傾左好多野～發覺原來大家真係好耐都無咁ｃｌｏｓｅ咁傾過計啦～～所以久不久咁樣都唔錯丫～～

唉～～無ｍｏｏｄ呀，都唔知講咩野好啦～只可以講“心情未平復到呀”～唉～～～

哇哇哇～～古怪的一天呀

2006-07-07T23:22:00.000+08:00

根據我“膠板神安”的申指一算，發覺今日原來係小妹的地位提升日呀...

話說，今日小妹無乜事就“供”左入ＴＲＣ（即係安全琪的領域範圍）搭訕啦～～咁我地學校的一棵大白菜（即係“成日顛”同事的其中一位夫人呀），咁各位都知呢位同事就唔多ＬＩＫＥ小妹啦～咁佢有問題咁梗係唔會問小妹啦～～但佢今日唔知發咩野神經呀（可能唔記得淋水呀），佢居然唔問領主喎，行埋去我側邊，仲要叫我個名呀～～～然後問我野呀～～～嘩～好驚呀～仲驚過連續玩１０次跳樓機呀～～

另外，仲有一樣架～～～就係今日小妹行返平時行開的一個電腦商場，嘩～唔知係近排無行開定係佢轉左ｓｔｙｌｅ呀，今日同領主行的時候，差少少我嚇死左呀～～唔講我仲以為自己行左去色情場所～～～周圍都係賣色情光碟，仲要係兩層都係，咁都唔止喎，佢仲要係當眼處就好多色情ｐｏｓｔｅｒ～～～救命呀～～呢個場都好多學生行架嘛～～咁點算呀～～嗚嗚嗚

贏左啦～贏左啦～～法國隊加油

2006-07-06T22:05:00.000+08:00

哇哇哇～法國隊入左準決賽啦～

真係全靠Ｚｉｄａｎｅ的１２碼咋～～

跟住就要對住意大利啦～雖然好多數據都顯示今界勝出的將會係意大利～但小妹始終都係會支持法國架～要加油呀～

仲有呀～終於都等到夏天～可以去游水啦～好開心呀～小妹想今個夏季搵ｄ水上活動學下呀～但又諗唔到學咩野好呢．．．點算呀．．．　　＝．．＝｜｜｜

原本有幾個朋友仔話玩瑜伽架，但唔知點解又無左下文喎～咁所以暑假咩野都無得玩啦～旅行又無得去～澳門都好呀～但都無呀，個個都比個世界盃搞到得番半條命仔咋～～～

好壞參半的一天耶～～～

2006-07-03T22:10:00.000+08:00

今日返工好無聊呀，乜都唔想做，點解咁樣架～～尋晚又無睇到 The Phantom of the Opera,　無陰功呀～～人地好想好鍾意呢套ｄｒａｍａ架嘛，又無睇到，好唔開心呀～～嗚嗚

はい～今日えからかう事がある，すべてえ明日解をつけて〓様子を要して言うか？自分で支持するチームは負けて計算して、どうしてこのような話を言うか？人が聞くのは耳の中でとてもたまらない、行き過ぎだ～～

私が実はすべてなくてフランスがｗｉｎができて支えると思ったことがあって、しかしｗｉｎは１つのｂｏｕｎｓで、実は勝ち負けはすべて重要ではなくて、しかし他の人がこのように言うことを好きでないで、これはｇａｍｅとｇａｍｅｒに対するの尊重で、嫌うことができる～～

好開心～超開心呀

2006-07-02T19:52:00.000+08:00

哇哇哇～～小妹超勁開心呀

原因係小妹支持的法國隊，可以入到４強呀，真係始料未及呀！！！事緣今次法國隊對的係巴西呀，小妹已經打定輸數，唔駛再挨夜睇架啦～點知人算不如天算呀～～法國隊憑Ｚｉｄａｎｅ傳比Ｈｅｎｒｙ呢一球，就係呢球啦～入到４強呀～～～好開心～好開心～好開心呀～～

但係下一場對的係葡萄牙呀～～咁點算呢？因為其實葡萄牙都有小妹支持的球星架...登登登登...佢就係Ｆｉｇｏ呀～～但小妹點都會支持完Ｚｉｄａｎｅ先再支持Ｆｉｇｏ的～哈哈哈～～

咁另外呢～仲有一樣野架～就係小妹好多的朋友仔都唔駛再睇ｗｏｒｌｄｃｕｐ啦，因為佢地支持的球隊都經已出晒局啦～～好在法國隊除左小妹仲有其他的人，佢地就係阿頭、天賜、大銘、小儀、Ｊａｎｉｃｅ啦～～咁唯有得返我地幾條友仔繼續支持啦～～Ｚｉｄａｎｅ加油哦～～

當中都有ｄ笑料係關於小妹的荷蘭同英格蘭球迷呀～～事緣佢地幾個都話實得架，實可以打低葡萄牙喎，因為有Ｆｉｇｏ咁話，咁小妹就梗係問點解啦～～～佢地就個個都異口同聲咁話，有名你叫啦～費高丫嘛～費架佢，咁就實ｗｉｎ啦～～小妹就忍唔住講左句，小心呀，千祈唔好比葡萄牙ｗｉｎ到呀你地，如果唔係我實會為聲討你地架～～點知小妹開口中呀～～所以佢地個個都～～～哈哈哈～～～

噢～近排超可憐耶～～

2006-06-26T21:26:00.000+08:00

上個星期睇波，法國隊終於都ｗｉｎ到啦～～可以放下心頭超巨大的石啦～～ｋａｋａ

跟住梗係要將呢個開心延續落去啦～～星期六做過咩野呢～～唔記得囉～星期日就同班好朋友仔去左淺水灣，我地仲有打沙排（雖然我只係打左一個ｒｏｕｎｄ，但都想死啦　＞口＜｜｜｜），之後頂唔住就當然要去游下水仔咁啦～～小妹好勁呀仲要游左出浮台２大次咁多呀～～～哈哈哈～～阿頭，輝，天賜，小儀，ｓｕｋｉ，ｃａｒｏｌ，阿偉，昌哥仲有我係咁上下多人啦，唔記得有幾多個人啦，我地無聊到係水中鬧長氣呀，結果小妹係小勝架～～～真係要比１００個勁我自己耶～～～

同埋阿ｆｉ終於都深深咁體會到咩野叫樂極生悲～～～就係小妹完全將工作忘記左～～～我乜都無做過呀，所以今日返工就．．．．．．哇～～救命呀～～唔制呀，會死人架～～～嗚嗚嗚

大致上，就係咁啦，仲有咩的就容後補上（如果小妹仲記得的，一定補架！！ｋａｋａ～～）

功課仲未做晒呀～～救命呀

2006-06-23T00:10:00.000+08:00

原本諗住今晚老老實實咁係屋企做埋份功課佢架，點知小妹無ｍｏｏｄ，所以又無做到呀～～～救命呀

我最最最最最尊敬的阿蛇呀，我唔係唔做你的功課呀，而係我無ｍｏｏｄ做咋，咁你都知啦ｍｏｏｄ呢家野好難講架嘛，無就係無架啦～～所以求下你放我一馬啦～～～（某炳：懶就認左佢啦，關咩野ｍｏｏｄ事丫）

唉～～其實最重要的一件事係小妹的某位好朋友仔今日唔開心，小妹好想幫佢（唉～雖然小妹無乜用～）但眼見自己的朋友仔唔開心，而自己又幫唔到手，所以覺得自己好無用，跟住就搞到自己都ｄｏｗｎ埋一份，尤記得自己唔開心果時，佢都識“ｔｕｍ”自己開心，但係調返轉的時候，自己就乜都幫唔到手～～又唔識開解人，又唔識“ｔｕｍ”佢開心，淨係坐係度，乜都幫唔到佢～所以覺得自己好無用啦～～唉～～

九個令人落淚的小故事～～

2006-06-22T22:41:00.000+08:00

《愛一個人不一定要擁有》
http://takey.myweb.hinet.net/miss1.htm

《錯過一時，錯過一生》
http://takey.myweb.hinet.net/miss2.htm

《有人這樣愛... 》
http://takey.myweb.hinet.net/miss3.htm

《人的一生會過上的四個人》
http://takey.myweb.hinet.net/miss4.htm

《好不好? 》
http://takey.myweb.hinet.net/miss5.htm

《不變的選擇》
http://takey.myweb.hinet.net/miss6.htm

《找一個...真正懂得珍惜你的人！》
http://takey.myweb.hinet.net/miss7.htm

《惡魔的面具》
http://takey.myweb.hinet.net/miss8.htm

《最深的愛是放棄》
http://takey.myweb.hinet.net/miss9.htm

超級感人哦～～～每次看都會喊到傻～～～

無聊呀～～～～

2006-06-21T20:10:00.000+08:00

今日有單好笑野發生左～～就係小妹有個同事叫“琪淇”（呢～即係安全琪呀），咁今日講世界盃啦，咁安全琪好搞笑喎，原本我地講梗１６強、８強跟住就緊係４強啦～～但４強之後係咩野呢？包你估都估唔到呀～～就係我地ＩＴ部奇葩安全琪講左一句大家都會笑爆肚的說話（Ｒｅｍａｒｋ：我地笑左好鬼耐架，我仲差少少笑到肚痛添呀）“就係我知兩強”跟住我地停一停，然後就勁爆笑啦～～～哈哈哈～～

仲有咩野特別野呢，等我諗下先～～～有呀～～就係法國隊呀～唉！！！超巨大危機呀～～究竟點呢出唔出到線呢？好擔心呀～唉～～

好灰呀～～ｍｉｓｓｉｏｎ失敗左

2006-06-12T22:35:00.000+08:00

阿ｆｉ今日落左旺角呀，原先有阿儀陪我架，點知我見佢好似勁忙，咁我咪懶醒話我得啦，叫阿儀返去做野囉, 點知原來我係唔得架～～我係呢個旺角行左好鬼耐都搵唔到果棟ｂｕｉｌｄｉｎｇ～～結果阿頭打電話比我，我先求救咋～我又唔知自己係邊喎，最後都係阿頭落黎搵我呀～～嗚嗚～跟住果間公司都關左門啦，結果我係拎唔到我要的ｄａｔａ架～唉～失敗～～　＝ˍ＝｜｜｜

其實我都有諗過搵小妍架，但我之前問左佢啦，好似唔係咁好意思咁囉，同埋小妹又覺得自己得架嘛，但點知個旺角原來真係條條街都差不多喎～～跟住係旺角咁行行行，又唔知行左去邊喎，總之就跟ｒａｙｍｏｎｄ去搭地車啦～～慘慘慘

唉～～近排不在狀態耶～～

2006-06-07T22:15:00.000+08:00

唉～～近排唔知做乜鬼耶～日日返工就恰眼訓，救命呀～～我會唔會比人炒架～～嗚嗚

點解～～都ｓｕｍｍｅｒ啦～點解個阿ｓｉｒ仲要迫我交ａｓｓｉｇｎｍｅｎｔ呀～～點解呀～～我都無乜點做過衰野呀～～最衰咪識左“成日顛”“暴力菜”“安全琪”呢堆同事姐，但我都唔想架～唔通咁都係我的錯咩～～～做乜迫人交ａｓｓｉｇｎｍｅｎｔ同ｐｒｏｊｅｃｔ喎～～我一樣都未搞掂呀～～～嗚嗚～～所以我決定左～～係未來的ｘｘ個星期會“閉關”～～大家唔好搵我啦～～～

終於都睇左套戲啦...

2006-05-27T23:25:00.000+08:00

哈哈哈～今日終於都睇左超勁爆想睇的“Ｘ－ＭＥＮ”啦～～同小靜去睇架，睇完仲去左行街街　＆　食“顛”．．．

嘩～講返套ｍｏｖｉｅ先，真係好好睇睇呀～但好衰耶，又話呢集係最後，點知又有伏線．．．電影公司呃人呀～～～～～　＝．＝｜｜｜

咁究竟幾時會睇“ＰＯＳＥＩＤＯＮ”呢？因為呢套都好似幾吸引咁囉～～所以要睇要睇，點都要睇耶～～～～

講住咁多先，遲Ｄ再打過～～～ｋａｋａｋａ

今日超勁驚呀...

2006-05-23T19:59:00.000+08:00

唉～今日差少少嚇死左～～～～

事緣今日收到一個ｅ－ｍａｉｌ啦～咁係講恐怖事件架～唔知做乜係度發神經勁想睇喎，咁咪迫埋其他同事一齊睇，點知睇完係超級無敵勁勁勁勁勁驚呀～～～嗚嗚嗚～～～嚇鬼死我啦～～

其他都好似無乜野啦～我都唔知呀，睇到我都失晒魂，所以唔知有冇發生過乜野咁囉~~

落雨...落雨...落雨...好煩呀

2006-05-21T19:53:00.000+08:00

唉～～超勁煩呀,　點解要落雨呀...

近排小妹有２套戲係超勁爆想睇, １套係想睇架...

講左果２套超勁爆想睇ｇｅｉ戲先啦～第１套就係Ｘ－ＭＥＮ（嘩～呢套無得好講，追開梗係要睇啦）另外１套就係５．３１上叫ＰＯＳＥＩＤＯＮ（呢套就係睇ＡＤＶ.果時勁吸引呀，所以咪想睇囉）

至於只係想睇的就係ＴＨＥ　ＤＡ　ＶＩＮＣＩ　ＣＯＤＥ啦～話晒近期都叫ＨＩＴ的ＭＯＶＩＥ呀，所以都想睇喎～～～～

好忙碌的一天～～

2006-05-10T23:04:00.000+08:00

今日真係非常十分極度之忙碌的一日呀～～無陰功呀～～人地都係放左一日姐, 點解咁樣架, 做死人咩～～

雖然今日係忙, 但都有一樣好好笑, 好好笑的事情發生左～～就係阿ｆｉ的一個同事名為“ａｕｓｔｉｎ”, 佢勁爆笑, 就係今日佢睇到阿ｆｉ一張比美畢卡索的畫後, 佢第一句的說話就係“Fion, 我好欣常大白菜～”跟住我同婉薇仲有偉民, 就忍唔住係度勁笑, 咁我仲講左句, 你終於都肯承認自己係欣賞佢, 哈哈哈～

P.S.阿ｆｉ今日有日行一善呀～阿ｆｉ今日同一個盲妹去行街街喎～呢個盲妹名叫“婉薇”,呢個真係死懶妹,唔帶眼鏡,又唔帶ｃｏｎ,咁佢仲唔係一個盲妹～～～係咩丫？！

有感而發的一章～

2006-05-08T23:53:00.000+08:00

小妹今日突然係度諗, 我的人際關係係咪好差呢？我的人緣係咪真係唔好呢？

但係諗深一層, 又唔係喎, 如果人緣差的, 就唔會有一班好朋友仔啦, 係咪？

咁人際關係呢？呢樣可能真係差d, 因為性格使然, 我都有試過叫自己唔好成日發脾氣架, 唔好成日都講野咁直, 可能會ｈｕｒｔ到人, 但好似唔work囉, 我有試過想發脾氣果時就行開一陣, 但真係唔講出黎個心會好唔舒服咁, 唉～～唔通真係要辭職, 去一個新環境先可以改到...

各位好朋友仔呀, 教下阿ｆｉ點做先好啦～超級苦惱哦～～

好開心～好開心哦～～

2006-05-07T22:50:00.000+08:00

嘿嘿～～阿ｆｉ連續２日都入左長洲呀～～

第一日係同小妍，小靜去的，當然入到實要搵埋婉薇啦～話晒都係地膽丫嘛～我地睇完飄色，跟住就去食下野，仲上埋婉薇屋企呀，佢屋企都好大架，然後就去踩單車，阿ｆｉ仲炒左車添呀，不過無事，只係瘀左少少姐，但都好開心呀，不過就辛苦婉薇小妹啦，要就返我個ｓｐｅｅｄ，慢慢踩，所以，婉薇，多謝你～～

第二日就當然同阿ｆｉ班朋友仔去啦，我地有好多人去呀～包括有ｋｕｒｔ（台灣人），阿頭，阿偉，ｓｔｅｐｈｅｎ（即係波波），ｋｅｌｖｉｎ，ｊａｎｉｃｅ，霆，基基，小儀，天賜，阿ｂｅｅ，阿啟，輝爺，我地仲食埋海鮮餐先走耶，原先諗住過夜架，但因為要落老蘭，所以拿拿林食完飯，行左一陣就出黎啦～～但出到黎都差不多１點啦～

講住咁多先啦，相就無得睇啦，因為２日都無帶相機呀，第２日連電話都唔記得帶呀～唉～～

多謝各位好友關心啦～～

2006-05-01T19:48:00.000+08:00

真係多謝晒各位好朋友仔的關心～唔駛再ｓｅｎｄ　ｓｍｓ比我啦，我無事喎～

其實阿ｆｉ真係無乜野喎，只係想收埋自己一陣姐，諗清楚一ｄ野，諗清楚就無野架啦～

唉～心情跌到落谷底

2006-04-28T22:04:00.000+08:00

小ｆｉ心情超級無敵ｄｏｗｎ呀，原先今日諗住放工準時走，點知因為等棵大白菜比野我，結果遲到左大拿拿１０分鐘，然後拿拿林趕去ｏｕ，點知因為天雨關係超級塞車，總之最後就係遲到啦，小ｆｉ仲要係第一個ｐｒｅｓｅｎｔ架，點知就係因為遲左，個ｐｒｏｆｅｓｓｏｒ就話要最後先到我ｐｒｅｓｅｎｔ喎，跟住仲話要扣分添，本身呢個ｍｏｄｕｌｅ已經唔算高分，仲要比佢咁扣法，萬一ｆａｉｌ就弊啦，小ｆｉ會傷心死的，因為呢個ｍｏｄｕｌｅ的功課真係會做死人架，十萬個擔心呀，仲要到下個星期先有ｒｅｓｕｌｔ　ｓｌｉｐ派呀，即係小ｆｉ要憂心死啦，無ｍｏｏｄ呀，連街都唔想出啦～

好苦惱兼好嬲呀～～～

2006-04-24T21:43:00.000+08:00

唉～阿ｆｉ好苦惱呀，原因係學校有個妹妹仔同事ｂ’ｄａｙ呀，但未諗到買咩野比佢喎，咁點算呀～～～蕉ｍｉｎ呀。。。呢個都係阿ｆｉ個好同事黎架，仲有仲有，就係呢個ｗｅｅｋｅｎｄ就係佢的大日子啦，所以先好苦惱啦～～

另外，阿ｆｉ好嬲的係，學校有位大白菜同事，佢好討厭耶～成日都好似要同阿ｆｉ作對咁，人地唔做果樣野，佢又唔做喎，咁佢算點喎，阿ｆｉ都盡量“禁”住自己唔發佢脾氣啦，但係人黎架，唔收得幾多啦，萬一勁標痘痘咁點算喎～～好火呀～～

算啦，講住咁多先～ｎｅｘｔ　ｔｉｍｅ再講啦～～

之前阿ｆｉ咪話轉用ｘａｎｇｅ的，但阿ｆｉ個唔ｈｅｌｐｆｕｌ肥仔同事話唔好喎，話成日彈果ｄ唔知咩咩ｖｉｒｕｓ咩咩出黎咁喎，所以阿ｆｉ都係諗諗先啦～～好啦，真係報告原畢啦～

仲以為今次死梗添呀。。。

2006-04-20T23:19:00.000+08:00

嘩嘩嘩～今日阿ｆｉ的ｌｕｎｃｈ非常十分極度之豐盛呀！差少少仲以為今次會飽死呀～～～

嘿嘿～但今日都幾開心架，係咁食係咁食，雖然係食完之後又勁嘔，但一大班人超勁ｈａｐｐｙ啦～雖然係超勁ｈａｐｐｙ，不過短時間內唔好再咁係食法啦，如果唔係游２０個堂都減唔到～～

我地今次個ｌｕｎｃｈ係名堂架，當中１１道菜

１　乳“珠”拼盤

２　清遠走地“琪”

３　菠蘿咕嚕“妍”

４　疆葱屈“婉薇”

５　“安”樂窩

６　椒鹽“偉民”

７　古法“柯士顛”

８　金銀蛋“大白菜”

９　“紅”燒翅

１０　楊枝“甘”露

生果：“啤梨”拼盤

每道菜都包含左一位小ｆｉ的同事架，大家估下啦，答中無獎～～～ｋａｋａｋａ
（比少少ｈｉｎｔｓ大家啦，就係留意大粒左果ｄ字）

另外，小ｆｉ個ｂｌｏｇ係５月的時候會搬新屋呀，預計會係開返ｘａｎｇｅ啦，因為呢邊無乜野比小ｆｉ玩啦，咁咪開返果邊囉，但因為無乜點ｕｐｄａｔｅ過呀，所以小ｆｉ要幫佢扮完靚靚先可以同大家見面呀～～請密切留意喎～～ｋａｋａｋａ

第一日假期的開始哦～～

2006-04-14T11:56:00.000+08:00

今日係復活節假期的第一日耶～～超級ｈａｐｐｙ啦

但係點解耶穌受難節係叫ｇｏｏｄ　ｆｒｉｄａｙ呢？唔通古時的人就已經好唔鍾意耶穌, 所以人地咁慘咁受苦的時候, 佢地就叫做ｇｏｏｄ　ｆｒｉｄａｙ？～　＝ˍ＝｜｜ｂ

唔...今日同小妍入左沙田行街街, 不過無乜好行囉, 因為超勁爆多人呀, 同埋我好勁咁發覺到一樣野, 就係新界地區的小朋友, 佢地塊面一般係比香港地區的小朋友為大, 一隻手係“拿”唔晒佢地塊面的.... 咁無野行, 我地就走啦, 諗住落黃埔食ｄｉｎｎｅｒ, 點知小妍忽發奇想話去食日本野喎, 仲話係黃埔有條街係專食日本野, 咁見小妍好似好想食咁, 咪冒住攰死咁都同佢搵啦, 但去到果度的時候, 發覺原來同我諗的差好遠呀, 所以我唔要再去耶... 我下次都係去返蔡瀾果度食啦

咁食完之後就搭車返屋企啦, 跟住我又發揮我的失憶本令, 搞錯左果度係無１７１搭架, 跟住我同小妍一齊搭１０１, 我係灣仔落車再轉車返屋企囉...

總括今日真係“行”街架, 真係ｊｕｓｔ行咋, 乜都無買耶～～～

明天要去新蒲崗耶～～但唔係好記得要搭咩野車, 所以明天起身再問人啦～～

弊啦, 弊啦.. 好似大件事左呀

2006-04-13T21:22:00.000+08:00

弊啦, 弊啦, 小妍好似好認真我的ａｕｔｏｐａｙ事件呀, 咁點算呀？阿ｆｉ講笑咋, 但係小妍佢就... 噢噢噢...

明天, 明天就係復活節的４日假期的第一日呀, 好開心, 好開心, 好開心呀, 但係小安無得去旅行呀, 無陰功... 不過都好, 可以同小妍去行下街街, 聯絡感情, 哈哈哈～得我有得同小妍, 其他白痴都無份耶... 邊ｄ自認白痴的就自己對號入座啦...

嘩～另外, 小安今日好勁呀, 簡直痴左咁呀, 居然好努力好努力咁工作呀, 我覺得自己簡直勁呀, 仲要係(勁x100)呀～～

嘿嘿～～講住咁多先啦, 其他的遲ｄ先講啦～～

一個感人的故事, 好慘

2006-04-13T09:55:00.000+08:00

第一世

在恐龍滅絕之後不久，她愛著他，他不知道。
她把最甜美的果子喂到他嘴裡的時候，他不知道。
她把最精美的獸骨項鏈掛在他的脖子上的時候，他還是不知道。
甚至當她溫柔地依偎在他懷裡，帶著笑容睡去的時候，他還是不知道。
他穿著這個族裡最漂亮的獸皮衣服，戴著這個族裡最漂亮的獸骨項鍊，
身邊還跟著這個族裡最漂亮的女人，但是他還是不知道這是因為她愛他。
他好像習以為常，習以為常通常不是一件好事，有好多該發現的東西沒法發現，有好多不尋常的事都因習以為常變得尋常了。
於是他還是過著尋常的日子，他還是不知道這一切並不尋常。

在那時候，和外族的戰爭是不可避免的。勝利者得到奴隸和生存的權利，
失敗者注定要失去一切。這是自然的規律。
在無數次與異族戰爭中的某一次，他們戰敗了。有的人失去了自由，有的人失去了生命。
通常失去生命的是男人，失去自由的是女人。因為長久如此，沒有人覺得這不公平，技不如人當然應該認輸。被俘虜的男人等著被殺，女人則等著被某個異族男人領回他的洞穴。

她知道，這樣一來，他們更不可能在一起了。她和他都將成為異族的奴隸，奴隸是沒有自由的。
她沒想到他可能被殺。
當她看著他在異族人的刀下倒下去的時候，她哭了。
她曾經為他哭了無數次，只有這一次是當著他的面，因為那一刻，她的心真正地碎了。
她曾經為他哭了無數次，只有這一次他看見了，直到那一刻，他才明白原來一切都非比尋常，他才知道她愛他。他在心裡說，我欠你一滴淚。但是他無法做什麼了，因為他死了。
異族的首領發現有個女俘虜死了，據說是因為心碎了。

第二世

他是一隻飛鳥，她是一條游魚。
他們互相相愛，但是他們無法見面。
他去找神——飛鳥總是最靠近神的動物。
神對他說：你們的姻緣是三生三世的，這是第二生，既然這輩子沒指望了，還是等下輩子吧。鳥沒有眼淚，但是他的心在哭。
神輕輕歎了口氣：我看見你的心在流淚。我可以用法力讓你能夠流淚，但是你要記住，只有一滴。
過了一會兒，神又說：我再告訴你一個不是辦法的辦法吧，據以前的神說，只要大海乾枯了，水裡的游魚就會變成飛鳥……他馬上飛走了。
看著他的身影，神自言自語：「哎，我又說謊了。」

在此後的日日夜夜，他抑制著自己思念的眼淚，並且叫著「不哭，不哭」，不停地銜著石頭投到海裡。在心裡，他無數次的看見海乾枯了，她變成了鳥，然後他對著她流下那一滴珍貴的眼淚，對她說「我愛你」。但，這一切都只在心裡出現過。
有人說他是布谷鳥，提醒大家及時播種；有人說他是精衛鳥，為了復仇才要填平大海。
他們都錯了。因為他們不知道這是三生三世的愛情。

直到有一天，他要倒下了，雖然他不相信海是填不乾的，但是他確實精疲力盡了。
他感覺自己要哭了，他拚命地抑制自己，他聲嘶力竭：「不哭！不哭！」他掙扎著最後一次飛向大海——他要倒在海裡。
他漸漸地沉向海底，在生命最後的一刻，他看見了她的身影，她也看見了他。
但是他們看不見彼此的眼淚，因為他們都在水裡。

第三世

當她還是魚的時候，她發誓要變成飛鳥。於是第三世她成了一隻飛鳥。
他呢？這一世他是一隻小飛蟲。
這次是她拜訪了神。神對她說：這是你們最後一世的姻緣，是最後的機會了。過了這一世，你們彼此將相忘於江湖。
神又一次看見鳥的心裡在流淚，於是對她說：在他的第三世，你會遇到危難，到時候他會穿著金甲聖衣救你於水火之中，然後還你一滴眼淚。
風，把她和神的對話送到他的耳朵裡。他笑了。他知道他終於可以在這第三世見到她了。這樣，那些話，那滴淚，都可以送給她了。

這一世，他們互相尋找。
向左，向右，不斷地選擇。
不止一次，他們在同一條路上飛過，但是時間不同。
不止一次，他們在即將相遇的時候，選擇了相反的方向，就此錯過。
他們彼此追逐，他們無數次重複著對方的路線，他們無數次的錯過。
天空實在太廣闊了。

冬天的某一天，風告訴他，她在朝著他飛來，叫他在這等著。
他欣喜若狂，生怕錯過她，偎在一棵松樹上四處張望，他發現有時候陽光竟是那樣的燦爛。這兩世，他是第一次有時間注意到這件事情。
太陽注意到另一件事：他快死了！沒有任何一隻飛蟲能度過冬天。他等不到她了。
他開始感到自己要死了。他恨，他恨飛蟲的壽命太短暫；他恨前世的飛鳥不能游泳；他恨自己那麼晚才明白她愛著他。他快死了，但是它不能死，因為這是他們姻緣的最後一世了。
那麼金甲聖衣呢？那麼那一滴淚呢？難道神又一次說謊了？
她在飛過來，但是他的生命在急速地流逝。
看到這一切，他依偎的那株松樹哭了。
松樹的眼淚是一滴松脂，這滴眼淚正好把他包圍起來，緊緊地，使他的生命不再流逝，他因此保住了最後的一點生命力。但是同時也失去了行動的自由。
這是最後一世了。誰也不能眼睜睜看著他們再次錯過。
她飛來了，他喊，但是他喊不出聲，松脂已然凝固。
她看見有個金黃的東西，是那樣地耀眼。但是她錯過了，因為在她心裡，多耀眼的東西也沒有他重要。最後一世，他們就這樣錯過。
在她精疲力盡地倒下的時候，太陽哭了，因此天陰了；風哭了，因此下雨了。

其後

時光不顧一切向前飛奔，輪迴照樣進行。
千年的輪迴，使松脂變成了琥珀，而他，還靠著最後的那一點點生命力活在他的第三世。只要琥珀不被打碎，他就會一直活在第三世，守望著那段姻緣。
無數次輪迴之後，她又變成了女人。但是她早已忘記了那段三生三世的姻緣，她有了另一個心愛的人，他們幸福地在一起。
有一天，她的男朋友看見了這只琥珀，買下來作成項鍊送給她。她把它掛在脖子上。
這是第一次，他們又能這樣如此親近地待在一起，但是他已經不能說話，她也早已忘記。
看著她和男朋友幸福地生活，他有時候很嫉妒，有時候很開心，但更多的是悔恨——如果自己早一點明白的話，他和她早就可以這樣幸福地生活在一起了。他無數次地哭泣，但他已無淚。

有一天，她的公司失火了，她在頂樓。
她拚命地逃啊，但火勢很大，腳下是一片火海。
火神咆哮著：我還要吞噬一條生命！
她聽不到，因為她是最後一個目標，因為她已不是遠古的生物。
他聽到了，他還活在他的第三世。
那一刻，他驀然記起千年之前，神的話語：「在他的第三世，你會遇到危難，到時候他會穿著金甲聖衣救你於水火之中，然後還你一滴眼淚。」

原來如此！

奔跑中，她感到脖子上的項鍊驀然斷掉，但是她無暇顧及，她要跑出去，她的男朋友還在等著她。
她不知道，在她身後的火海裡，那只琥珀融化了，從琥珀中冒出一個氣泡——那是他在松脂凝固之前為她流下的一滴眼淚，這滴眼淚在千年之後被火神釋放出來。
不用問他怎麼樣了，就算沒有火海，他的生命力也會因為琥珀的破碎而消失。
火神吞噬了最後一條生命，在她的背後止步。
她奔出火海，撲到男朋友的懷裡，哭了。人們都說她能從大火裡逃生真是奇跡。
她的男朋友抱著她哭了，大聲地說「我愛你。」她周圍的人都很清楚得聽到了，但是沒有一個人聽到火海裡那只千年之前小蟲的臨終話語，那也是一句「我愛你！」

神在天空中望著一切，「在他的第三世，你會遇到危難，到時候他會穿著金甲聖衣救你於水火之中，然後還你一滴眼淚。」千年前他說的話在自己耳邊響起。

神哭了。

她和男朋友一直都很幸福，但她不知道這是因為神為她哭過的原因。

世上沒有不傷人心的感情，或多或少，或大或小，它都會在你的靈魂上留下傷痕。

以傷痕為代價換得感情的喜悅，以感情的喜悅作為回報的傷痕！！

唉～好苦惱哦～～

2006-04-12T12:13:00.000+08:00

唉～到左今時今日，小安先發覺原來我係無朋友架，所有朋友仔都全部ａｕｔｏｐａｙ晒啦，無晒啦～～～

咁呢個ｅａｓｔｅｒ小安點算呢？好慘耶，要自閉，點解咁架，無陰功呀～珠海去唔成，估唔到連澳門都無得去呀～好難得先有咁多日ｈｏｌｉｄａｙ架嘛～咁ｅ＋乜都無啦...... 唯有買定多ｄ碟係屋企煲啦！！

另外，小安再次重申，小妹真係無野呀，唔好再關心我同佢ｄ野啦，我大個女喇，自己識ｈａｎｄｌｅ架～所以大家可以放心～～

唉～人間地獄呀～～

2006-04-10T09:25:00.000+08:00

唉～天呀，地呀，撒旦大人呀，救我呀～～～
小安真係生不如死呀～～人地好難得先放假架嘛～～點解姐姐要咁早就迫我起身喎～～無陰功呀～～等小安講今日個時間表比大家知，咁大家就會知道有幾咁慘無人道啦～～

０８：００ａｍ　　被姐姐叫醒
　　　　　　　　　（係極道不情願的情況底下起身）

０８：３０ａｍ　　吃早餐
　　　　　　　　　（仲要係姐姐煮的中式早餐，天呀，我想吃ｓｉｒｅｎａ的早餐呀）

０９：３０ａｍ　　終於吃完
　　　　　　　　　（因為勁想ｓｌｅｅｐ，所以比平時慢左少少）

１０：００ａｍ　　約晒班朋友你去游水
　　　　　　　　　（仲要比班衰仔嫌我著果件泳衣呀，死佬丫，加陣果件好差咩，咪又係泳衣）

１２：００　　　　落左ｃｗｂ食ｌｕｎｃｈ，好好味
　　　　　　　　　（因為同班朋友仔一齊食，無姐姐好ｅｎｊｏｙ）

０１：３０ｐｍ　　去左行街
　　　　　　　　　（主要去旅行社蕩啦，因為想同小妍去旅行嘛，我未試過同小妍去呀）

０３：３０ｐｍ　　返屋企
　　　　　　　　　（頂唔住姐姐的音波功，所以再度同朋友仔出街，最終於都係去左百佳咋）

０５：００ｐｍ　　返屋企睇ｃａｒｔｏｏｎ（龍王傳說）
　　　　　　　　　（睇完出街吃飯，跟住行左一陣返屋企）

０８：４５ｐｍ　　開電腦
　　　　　　　　　（但繼續比姐姐“鵝”，ｄｅｔａｉｌ就無謂再題啦～～）

０９：４３ｐｍ　　姐姐“０拍”我電腦大掣
　　　　　　　　　（天呀，無在無做功課，唔係我驚我屋企會發生命案）

以上就係我星期日的時間表，仲要係未來的２０會有機會再上演，大家請密切留意公演時間～～

嘩～好似１０年無ｕｐｄａｔｅ過咁呀。。。

2006-04-05T00:35:00.000+08:00

尋日（即兒童節）終於都睇左“雪狗”啦，超級無敵勁好睇呀，喊死左呀。。。跟住就同小妍小靜落左ｃｗｂ食野，都有傾左一陣間啦，但可能我地３條友比較少人，所以好快就閃左啦

仲有咩野呢…呀，有有有，就係戒同ａｕｓｔｉｎ講野，但得唔得呢？唔知喎，不過我會盡量成功的。。。ｋａｋａｋａ，唔，仲有近排我發覺自己好似講多左電話咁，所以我決定開始減少講電話，費時“ｓｉｄｅ”錢丫嘛，同埋我要同台灣人分手啦，各方好友見到佢的話，同佢講聲丫，我費時比佢激死呀。。。哼哼哼

諗唔到啦，諗到先再ａｄｄ啦

換左身份證啦～～

2006-03-22T23:25:00.000+08:00

嘿嘿～終於拎左我的智能身份證啦，
好開心～好開心～好開心呀～

跟住仲同小妍去左吃“過期米線”添呀，都有少少辣架，但我可以食晒呀～係食晒呀，我果然勁左，但咁樣會唔會肥左呢？！不過無所謂啦，應該唔會肥死既，肥少少姐，ｋａｋａｋａ。。。
＝.＝｜｜｜

好苦惱哦，因為仲未諗到買咩野生日禮物比２大粒種
子呀，而呢個唔算大的大日子又好快迫近啦，咁點算呀
～～～“蕉ｍｉｎ呀”（←請用國語講）

不幸延續版呀～～

2006-03-20T19:33:00.000+08:00

嘩～原來不幸的野真係唔講得笑架～～岩岩個腸胃炎先好似有Ｄ好轉，點知又好似作感冒咁喎～～突然間覺得～～～嘩～蘇民峰勁呀.......勁準呀～～果然要小心呀～唔通真係要擺８粒石春係個位後面＝口＝｜｜｜好驚呀～～

另外，今日放假呀，去左街，但係唔知係咪個人作病呢～所以都無乜精神咁～同埋買左好多野呀～噢～～破產啦，等我得閒要搵謝蟻俊律師幫幫手先得呀...ｋａｋａｋａ

不幸的一週

2006-03-19T17:35:00.000+08:00

嘩～嘩～嘩～簡直從未如此咁不幸呀...腸胃炎病左差不多一個ｗｅｅｋ呀，星期二果日已經ｓｉｃｋ　ｌｅａｖｅ啦，想不到星期五返工１個鐘都無就挨唔住，“撇ｓ”左返屋企，無陰功呀，總之我星期四就唔睇醫生，留返星期五先睇啦，“ｓｉｄｅ”晒我的假期呀　＝ˍ＝｜｜｜

另外，都有一樣野幾好的，就係唔駛去掃墓啦，因為爸爸體諒我疴嘔到死死下，所以括免左我呀，實在係太好啦，因為細佬話又無車可以上呀，所以我諗我都算係不幸中之大幸呀～～哈哈哈

仲有仲有，下個月就係２大粒種子的ｂｉｇ　ｂｉｇ日子呀，咁我仲未諗到買咩呀～～撒旦大人呀，點算呀？？？大家快ｄ幫我ｔｈｉｎｋ下啦，好ｈａｒｄ架...噢～噢～噢～

匯報...延續版

2006-03-13T23:41:00.000+08:00

555～近排呢都無乜特別，唯一的特別，就係個死佬唔愛我啦，佢居然唔比我去台灣呀～所以我覺得佢應該可能或者收埋左一個小老婆（咁我無理由話自己係細架嘛，所以咪變左個小老婆囉～）

仲有呀，我覺得我近排超勁黑仔呀～不論工作抑或係私事，都好似好唔掂咁呀，阿ｃａｒｏｌ姐佢教我放８粒石春係個位後面的唔知邊度。。。但點解要係石春呢，好似好難搵咁喎，咁阿婉妍佢又有個好提議喎，就係叫我去撬爆人地的石春路，拎８粒返去喎～～～唉～想唔到婉妍近左２粒種子多左，個人都變得粗魯左呀～～我真係要借本ＯＬ全攻略過佢睇先得呀～～嘿嘿

仲有冇ｄ咩野係我漏左無講呢～～好似無。。。又好似有喎～～～哇哇哇～～～記得再打過啦

近況匯報

2006-03-10T01:37:00.000+08:00

嘿嘿～～其實都唔算匯報啦，但係又諗唔到個ｔｏｐｉｃ喎，咁咪咁囉...

星期三同婉妍去左睇Brokeback Mountain，嘩～比我想像中好睇（除左露露......）原來愛一個人，真係無需理會性別囉，我覺得戲中最吸引我的係ｊａｃｋ，因為佢真係可以唔理世俗人的眼光，一心淨係想同自己的最愛係埋一齊...超ｔｏｕｃｈ，但可惜最終死左...仲有，ｅｎｎｉｓ個女個男朋友叫ｋｕｒｔ呀，真無陰功呀，同某白痴同一個名...唉～默哀一秒鐘吧～～嘿嘿...講完呢句希望唔會比人打啦...

唔...我發覺原來一日同一個人講９次電話係好辛苦架，同埋會好悶囉，會有厭煩的感覺，所以各方好友，放過小妹啦，其實我鐘意靜靜地一個人諗野架....嗚嗚嗚..如果唔係我驚我又發神收埋自己呀，所以請給我一點空間吧～～尤其某人呀，唔好搵我咁密呀，我會想避開你架～

暫時講住咁多先啦，諗到再ａｄｄ啦～～

５５５....今日好ｌｕｃｋ呀～～

2006-03-06T01:16:00.000+08:00

話說小妹今日訓到１２點起身，跟住梗係去食飽飽啦～～然後我地去左新場打ｗａｒ　ｇａｍｅ喎～～（路人甲：乜你又打呀？！加陣你好勁咩～　　小安：關咩你事呀？！問問問...毒啞你丫拿～～）點知小妹今日唔知發咩野神經喎～居然好勁呀，係ｋｅｌｖｉｎ同阿頭的努力下，小妹可以殺出重圍，救到今日的人質，仲要係生勾勾無死果隻呀，小妹從未試過架～～～嗚嗚嗚，所以今日係超ｌｕｃｋｙ呀....哈哈哈

ｗａｒ　ｇａｍｅ好好玩呀～～～

2006-02-26T23:15:00.000+08:00

今日去左打ｗａｒ　ｇａｍｅ呀～～雖然勁好玩，但玩到“扒”街！！哈哈，我都唔想架，但跑跑下無力耶，跟住就“ｐｉｎｇ　ｐａｎ”咁撻左落地下囉～～結果我唔係第一個ｇａｍｅ　ｏｖｅｒ呀，不過係第二個～～同埋今日個地勁鬼濕呀，跑兩跑跌一跌咁喎，咁搞法都慳好多買乜泥物泥敷ｍａｓｋ＄＄＄＄，同埋未玩完塊面就好似“ｐａｔ”左堆屎係度咁～～

跟住就返左入上水，沖埋涼同表妹一齊去放狗，放放下狗蕩失路呀，好在有ｗａｌｋｅｒ　ｔａｌｋｅｒ呢樣先進的野，不然係個山度，都唔知點算！！　＝ˍ＝｜｜｜

大致上今日就係咁樣過啦～～～

星期六, 二月 25, 2006

2006-02-26T01:15:00.000+08:00

嗚嗚嗚～～輸爆廠呀...

今日玩“大富翁”輸爆廠呀，我地７個人玩，玩左差不多３個鐘，雖然我唔係第一個破產，但都無陰功呀，居然比細佬ｗｉｎ左呀，仲要係大贏家呀！！都係“南灣”啦，累我輸爆廠呀，真係買果個輸果個架，仲要禍不單行到，坐左１０次監呀，唉...無心機呀～～～

其實呢個ｗｅｅｋ都ｏｋ開心架，去左２次冒險樂園，一次去太古城，另一次去左黃埔～～

５５５５５～～～寫住咁多先啦，因為我明天（係咪即係今日呢？！）要去打ｗａｒ　ｇａｍｅ呀，唉～～咪即係又做靶～～天呀！點解要咁對我呀～～

今日“火羅”到爆～～～

2006-02-16T23:01:00.000+08:00

今日上晝放假啦，但點知下午返工果時，“火羅”到爆呀，無端端收到束花喎，大佬呀，咪玩啦，比人笑死左　＝ˍ＝｜｜｜

另外，今日個“ｂａｎ　ｂａｎ”同事（即係乜鬼都ｂａｎ的同事）ａｕｓｔｉｎ，佢居然今次無“ｂａｎ”我呀～～～（大家係咪都覺得好驚呢？！）咁我問佢，我的衣著係咪應該好睇過ｂｅａｕｔｙ先？“ｂａｎ　ｂａｎ”同事居然好快咁答我“梗係啦！”←佢咁樣答喎，係咪真係好驚先！！

仲有仲有呀，就係我今日發神經呀～～～同婉妍＆婉薇去ｈ雪糕店食雪糕火窩的時候，講開側田的演唱會，點知我唔知發咩野發神，講左“ａｕｓｔｉｎ”演唱會，天呀，佢真係開的話會死人架～～～所以我錯啦，我唔要聽呀～～～跟住我地又去左ｂ字舖頭睇劉華風褸，點知有個“大嬸”當左我係ｓａｌｅｓ姐姐呀，人地今日著到“懶”靚咁架嘛，做乜當人地ｓａｌｅｓ姐姐喎，唔制呀～～～

今天我變身做左保姆耶～～～

2006-02-12T20:54:00.000+08:00

今日要照顧細佬呀，無陰功呀！！因為我最愛的爸爸媽媽要去扮拖肥糖呀，咁唯有“ｐａｔ”低左細佬比我囉...　嘿嘿！！所以我今日約埋班ｆｒｉｅｎｄ同細佬去左太古城的冒險樂園玩呀！ｌｕｎｃｈ同ｄｉｎｎｅｒ都係太古城搞掂！ｙｅａｈ！ｙｅａｈ！

仲有買左好多ｃｈｏｃｏｌａｔｅ呀！話晒好快就係情人節啦！咁可能或者有機會有ｄ人收唔到架嘛，而我又係一個非常十分極度之體貼同埋有同情心的一個人，所以我已經預備定一ｄ比佢地啦！哈哈哈...　我真係超級好人呀....

嗚嗚...比人嫌棄呀．．．

2006-02-09T21:37:00.000+08:00

唉，今日同個同事玩下啦，點知佢好嬲喎，咁我見低氣壓，咪低聲下氣咁“ｔｕｍ”返佢啦，點知佢好悔氣咁話“你好煩呀！”哼！人地咁大個女都無比人咁話過架，好巴閉咩，以後都唔玩囉！討厭！！！

另外，今日放工去左食雪糕呀，好好味呀，不過再係咁日日食的話，會破產喎！！＝ˍ＝｜｜｜

近排都有幾套ｍｏｖｉｅ想睇呀，魔衣廚，慕尼黑，ｔｏｕｃｈ，其中最想睇ｔｏｕｃｈ呀，因為係由ｃａｒｔｏｏｎ改篇真人故事架！所以好期待呀！

2006-02-08T23:01:00.000+08:00

嘿嘿... 今日期待已久的攝影日呀... 我等左好耐好耐啦... 原本預備左兩個笑法，但點知唔記得左＝．＝｜｜｜

今日無陰功呀，細佬發神經鎖住自己係屋企呀，搞到我無門口入呀...嗚嗚嗚...仲要係門口呆等到８點鐘呀...　人地今日已經身心疲累架嘛...　但細佬心情唔好就梗係大晒啦，我呢個做細的邊敢忤逆佢丫...唉...

近排好似都無乜突別野發生咁喎，除左日日返工比人打同踩之外，但嚴格黎講呢條友唔算人，因為佢變態架，仲要係一粒變態的種子，我覺得我每ｄａｙ都好ｈａｐｐｙ架

2006-02-03T23:56:00.000+08:00

估唔到新的一年會有咁多苦力做架...無陰功呀...嗚嗚... 人地話晒都係一名淑女丫，要人咁搬野法，無陰功呀...

仲有，今日ｌｕｎｃｈ去左唱ｋ，ａｕｓｔｉｎ（即係肥種子）佢變態架，揀左首色情ｍｖ呀，嗚嗚...新年流流睇埋ｄ咁的野，阿爸鬧架嘛...嗚嗚... 我最愛的爸爸呀，唔關我事架，我無睇呀，我淨係食我意粉咋，無周圍瞄架...嗚嗚... 另外, 阿raymond原來唱歌好得架，唔單止呀，佢吹口哨又勁喎，可以吹到歌仔架，所以我已經封左佢做偶像啦，比佢１０個勁呀...

返工啦～～～～

2006-02-01T11:31:00.000+08:00

嘩～～～話咁快就要返工啦！點解唔可以放多幾日喎！

昨晚睇左李克勤演唱會呀，勁好睇呀，估唔到原來少唱快歌的歌手，開演唱會都可以好ｈｉｇｈ架～～～

係咪好應節呢？！大家見到呢張，就如同見到本尊同你講啦，有冇超ｓｗｅｅｔ　ｓｗｅｅｔ呀．．．哈哈哈

寫住咁多先，今晚返到屋企再努力過... 現在係ｏｆｆｉｃｅ　ｈｏｕｒ黎架，雖然我博炒，但都唔可以咁揚架嘛，嘿嘿... 大家等我... 的公仔啦......

嘩....呢個新年真係豐盛

2006-01-31T11:07:00.000+08:00

年廿四食團年飯食到年廿九呀..... 乜Quota都爆啦...無陰功呀....

好啦，無ｕｐｄａｔｅ咁多日，我都知大家好掛住我.....的圖畫，但抱歉呀，無乜時間畫啦，明天，我保證（路人Ａ：你的保證....有保留！　安：你想我同你開年嗎？我好落意架）

嘩嘩嘩～講返呢幾日新年，今年好似仲無氣氛囉，結果係返左入上水日日睇人放煙花，同埋一Ｄ兒時玩伴去玩啦，傾計啦，嘩～計計下，原來都有好多年無見啦！大家都好似失散左好多年兄弟咁呀，哈哈哈....我地有留晒電話架

今日係年初三，係鬧交日，咁我係咪要應下日咁呢？！　＝．＝"

好啦，暫時ｐｏｓｔ住咁多先啦，明天努力

無Ｑｕｏｔａ啦...

2006-01-25T01:34:00.000+08:00

Tammy昨天係丹麥返左黎呀，咁我同阿頭懶醒咁，唔駛佢話我地知幾點到，諗住自己計啦，點知我地又計錯數喎，不過大家唔駛驚，今次我地計早左，即係２點幾就到左“支腸”，但人地３點幾先到呀，嘿嘿...咁我地咪唯有周圍行囉...但我發覺原來“支腸”係超級無敵大呀，比佢十個大！！搞到我又蕩失路....

仲有仲有呀，呢個ｗｅｅｋ日日都要吃團年飯呀，無陰功呀，人地都已經無Ｑｕｏｔａ啦，仲要咁吃法，好快就英年早逝啦！哎呀！無陰功呀，天妒英才呀...

嘿嘿...大家今年諗住新年點過呢？我隨口問咋，大家唔駛同我講架...我無興趣知架...kakaka

唔知點形容ｅ家的心情．．．

2006-01-19T00:28:00.000+08:00

唉...唔知點講，我係咪應該轉工呢？

估唔到踏入２００６年一個月都未夠，
我的心情就可以咁快ｄｏｗｎ左，
原本仲可以好ｈａｐｐｙ架，
但發生一ｄ小插曲，就變得好唔開心！

可能今年拍的同事真係完全唔同晒的關係，
無左以前果班同事，做野真係會覺得好辛苦！
因為佢地完全唔會知你要ｄ咩，同唔要ｄ咩！
或者現在真係離開的時候？！

唉... 唔知道，係時候要認真面對呢個問題...

Black Weekly呀～～～

2006-01-15T19:39:00.000+08:00

唉！從未試過可以一病未完，一病又起架！簡直勁呀！

話說星期四食左一個好好味的ｌｕｎｃｈ啦，一路都無事架，點知半夜就出事啦，無端端又疴又嘔喎，咁細佬就賴醒無得頂咁，叫爸爸車我去醫院，咁醫生就話無乜事食錯野之嘛，比左葯我，咁我見ｂｌａｃｋ　ｆｒｉｄａｙ都無乜事丫，咁咪返工囉（由始可以知道我係一個好有責任心的人），點知未食早餐就頂唔住，又好鬼唔舒服喎，咁唯有走啦，去睇阿德華啦，點知比佢省到我“立立令”咁出返黎呀，腸胃炎喎！

咁今日滿心歡喜啦，因為終於都食晒葯啦，諗住可以食雪糕啦！點知．．．點知不幸的事再次發生啦！！今次居然係感冒呀！天呀，又要睇多次德華，雖然佢靚仔，但都唔駛成日見卦，無陰功！點知又比佢省多鑊甘既．．．唉．．．

所以．．．我都無心機畫公仔啦．．．

阿頭，阿ｂｅｅ，美琪，阿偉，ｋｅｌｖｉｎ媽，小儀，阿ｆａ，賜哥，少爺仔，老鬼，昌少，ｊａｎｉｃｅ，ｗｅｎｄｙ，ｔｒａｃｙ，大佬昌，仲有邊個呢．．．唔記得添，ａｎｙｗａｙ，ｓｏｒｒｙ呀，都係我唔好啦，甩底搞到大家咁唔ｈａｐｐｙ，但我都唔想架，你地原諒我啦．．．

Special Thank you

2006-01-07T21:16:00.000+08:00

突然間收到一個好震驚的消息，就係有人問我，做乜無多謝佢，跟住我話佢咁ｓｐｅｃｉａｌ，梗係要特別ｄ啦.......（某路人甲：唔好話你唔記得，死懵！　　小安：關你咩野事，劈死你！）

呢個咁特別的人就梗係......小靜啦，講真的，真係要多謝你，成日都係我唔開心的時候，適時給我一個關心，又或者空間比我慢慢思考，我都知我有成日都發脾氣，又或者係口不擇言，又或者講左一ｄ令你唔開心的說話，但你都好“大”方咁原諒我，所以真係要多謝你－－－－－小靜

仲有，仲有另外一個同事呀，雖然同佢唔係做左好耐同事，但真係要特別多謝佢，因為佢真係勁ｇｅｎｔｌｅｍｅｎｔ同埋ｈｅｌｐｆｕｌ的，其實我都知有時有ｄ野係應該我做，但佢都幫我食左好多，所以真係多謝你－－－－－Ｒａｙｍｏｎｄ

近排都忙死啦...

2006-01-05T21:51:00.000+08:00

唉... 近排忙死左啦，所以無乜時間上黎寫野比我的朋友仔睇添....

咁呢，因為學校考梗試喎，咁以為會得閒d啦，點知仲忙呀，唉！！

但原本都仲ok架！但係最唔like某某囉，做野都唔make logic架，一時一樣喎，喂大佬呀，你做唔到咪出聲囉，都唔敢期望你做到啦，但你都咪搞衰左先比返我丫，加陣同你好熟咩！！！咦咦咦...討厭呀！搞到近排遷怒左ｉｔ　ｄｅｐａｒｔｍｅｎｔ的堆同事啦！！真唔好意思啦，不過最對唔住都係ｒａｙｍｏｎｄ囉，尋日佢又係慘ｄ既，係我勁發脾氣的時候出現，所以食晒！！

尋日嚇死我呀，以為出唔到聲呀，搞到我上午都唔敢點講野呀！仲要比人笑我把聲呀，無陰功！！人地平時把聲勁勁勁勁勁好聽架嘛...唉... 但好快就無事啦，出返聲，仲勁勁勁勁勁好聲添呀！哈哈哈．．．

年終大總結ＩＩ

2005-12-31T04:47:00.000+08:00

前少少的時間先多謝完一班ｈｅｌｐｆｕｌ的同事，現在點都要輪到我班超級無敵死黨啦！！

首先要多謝的。。。有阿頭、大佬文、阿ｂｅｅ、阿偉、Ｊａｎｉｃｅ、Ｗｅｎｄｙ、偉哥、大佬輝、昌哥、Ｋｅｌｖｉｎ、賜哥、小儀、阿喪、阿天、少爺仔。。。仲有好多好多的好朋友仔，雖然無提到你同埋妳，但都好多謝你的地的包容同埋救命時刻，真係要多謝你地的隨時候命咁救我，感激不盡。

好啦，感動的時刻過左啦。。。點都要講下來年的願望的。。。梗係快ｄ搵到真正果杯茶啦。。。ｋａｋａｋａ
另外都好重要架，就係希望所有願望都可以實現啦。。。哈哈哈 ^__^

年終大總結Ｉ

2005-12-31T00:04:00.000+08:00

今年真係要多謝各位朋友，同事的幫忙。我都知我比較任性同埋成日發小姐脾氣，但都多得各位的包容，係度真係要衷心多謝各位。

其實今年有得亦都有失，得的係識到一班新朋友仔，同埋有一班勁ｈｅｌｐｆｕｌ的同事，失的就係我最敬愛的侯老師調走左，其實我都明白天下無不散的筵席，但話晒呢位老師真係一位好老師，同埋佢可以話係我的百樂，因為佢教識左我好多野，尤我第一日入黎，就已經跟佢，所以真係好唔捨得。另外一位就係ｃａｒｏｌ姐，佢都教識左我多野架，唔單止工作上，連做人處事佢地都教識我好多，真係要多謝兩位的教導。

至於新同事呢...唉...今年學校所種的種子實在太另類啦，所以。。。ｋａｋａｋａ
講笑啦，今年的ＩＴ肥種子真係勁ｈｅｌｐｆｕｌ囉，好多野都係佢幫手咋，所以多謝你，Ａｕｓｔｉｎ
另外，仲有一位就係淇琪啦，佢呢自稱係我貴人架（但點解佢無＄＄＄＄＄我駛呢？！　＝. .＝"　）佢都好幫得手架，仲為大家製造左好多不同的歡樂，所以都要多謝你，淇琪
另外，另外一粒課外活動暴力種子呢，唉！顧名思義係一名暴力主義者啦，佢居然暴力過我！！！不過佢都好好玩架（ｗｈｅｎ唔暴力果時）同埋佢都好幫得手ｏ既（ｗｈｅｎ佢唔人地幫佢的時候）ｋａｋａｋａ．．．所以多謝你，婉薇
最最最最最“重”要的梗係你啦－－－－－小妍，不用說，有你呢個朋友，真係我的幸運呀！所以多謝你。。。小妍

朋友的，明天才輪到多謝你們呢，等下啦。。。kakaka

終於都過左一堆假期啦...

2005-12-28T20:21:00.000+08:00

唉！終於都過晒Ｘ’ｍａｓ的假期啦，原來放咁多日假唔好去旅行的話，都幾ｂｏｒｉｎｇ囉！雖然日日都有出街，但真係都好辛苦架，日日無覺好訓，係呢個假期“老蘭”就好似我第二個家咁，天呀，我想死啦！！！　＋ˍ＋

哈哈哈～～～果堆朋友仔，唔該自己搵返自己，ａｎｄ　ｔｈｅｎ對號入座啦，哈哈哈～～～

我果然係好有畫畫天份呀。。。。。

所以我決定啦，我以後會為大家畫多ｄ圖畫，同大家分享下我的公仔．．．kakakaka....大家千祈唔好太感激我啦，我會唔好意思架....　＝ˍ＝"

Ｈａｐｐｙ　Ｘ’ｍａｓ

2005-12-25T02:54:00.000+08:00

現在係聖誕節的零晨２點５４分，剛剛過左我的生日呀，又大一歲啦，但我都仲係成日蕩失路呀，天呀，救我呀！

原本我生日都覺得好開心架，但當我要去搭巴士返去我可愛的屋企的時候，我發覺我原來同地車站的八字係唔夾架，嗚嗚．ˍ．"　無陰功呀...總之我就同小妍一齊落車啦，嚇到我個心仔卜卜跳呀...

好趕時間呀，因為約左阿頭佢地２點架，現在都差不多３點，都係因為我慢吞吞咁ｂａｔｈ啦，所以我唔係有心遲到架，吖！仲有一樣好重要的野呀，差少少唔記得添....就係

今日係我的好朋友ＪＡＮＩＣＥ的大日子呀！係度同佢講聲

ＨＡＰＰＹ　ＢＩＲＴＨＤＡＹ　＆　ＭＥＲＲＹ　Ｘ’ＭＡＳ

X'mas快到啦 ^_^

2005-12-20T20:29:00.000+08:00

Ｘ’ＭＡＳ好快就到啦，即係話好快有得放假啦，好野，等左成年終於都比我等到啦...kakakaka

但係未放假，我就已經好有ｈｏｌｉｄａｙ　ｍｏｏｄ啦，日日返工都唔想做野呀，點算呀？？＝．＝"　救命呀，再係咁落去，我手頭上的野永遠都清唔到喎....唉！鬼叫自己懶咩....

好啦，我都有唔知１日定兩日無寫ｂｌｏｇ啦，我相信大家一定會好掛住我呢ｄ咁精美的插圖架啦，咁我就好好人的，見大家咁想睇，我一定會滿足大家的慾望架...kakaka

號外：尚餘４日，就係小妹的大日子啦．．．

暴力は禁止する

2005-12-17T22:51:00.000+08:00

點解ｄ韓國人咁樣架，我真係好想知咩野叫〝平和〞囉！！！唔通我讀書所教的都係錯，唔通香港警察唔係香港人呀，咁邊ｄ人先係香港人呀？？籌錢比佢地，買野比佢地食的先係香港人呀？？喂大佬呀，香港警察都係為左保護香港市民咋，點解果ｄ所謂同情呢班農民的香港人唔支　持警方的做法架，佢地無惱架！！！憎しみ

號外：尚餘７大日咋，就係小妹的生日啦！！

とても悲惨だ

2005-12-16T23:54:00.000+08:00

私が残念である、これが私の欠点でない、これが郵便局問題である、私はメールをあなたに忘れますが、彼らがカットを私に言わない原因はデートします! あなたは私を許すことができますか?

啊!!點解我成日都唔記得架，我親愛的朋友呀，對不起呀，請原諒我啦！我唔係有心架，你念在我好努力咁搵書翻譯返日文，你就原諒我一次啦！我有ｍａｉｌ返ｄｈｌ架，一千一百萬個貴呀！！你都唔知，郵費仲貴過ｄ碟呀，無陰功！！（ｐ.ｓ. if you want to know more chinese, please ask your friend translated to you, if you still have friend, kakakaka.....)

今日終於有返號外：距離小妹生日尚餘８大日

好驚呀...... x__x

2005-12-14T21:25:00.000+08:00

好驚呀! 點解開會要入Ｄ＆Ｔ房喎，明知呢個係禁地黎架嘛！做乜開會要去呢Ｄ咁的地方架，無陰功呀．．．想嚇死我咩！！跟住仲要一個人放工喎，平時走果時唔駛自己熄燈架嘛，今日要自己熄晒燈，嚇死我呀，幾鬼黑蚊蚊呀，唉．．．驚到頭又痛，無乜心機寫啦．．．

ＷＴＯ，ＭＣ６好驚呀．．．

2005-12-13T22:13:00.000+08:00

今日睇新聞好驚驚呀！點解Ｄ韓國人可以咁野蠻架！佢地簡直就係要用暴力狂形容呀！！！都唔明點解仲會有咁多人鐘意睇韓劇架！好唔ｍａｋｅ　ｌｏｇｉｃ呀！

另外，今日約左朋友仔去長沙灣攞野啦，點知早左到喎，咁咪落地車站等啦，點知行行下蕩失路呀，搵唔到入去果個出口喎，喂．．．地車站大佬呀，咁人地都係凍凍，想搵個地方暖下身姐，唔駛咁惡卦！整個迷宮出嚟，幾鬼驚呀，咁我就梗係即刻打電話比個朋友仔啦，點知佢居然一早到左，仲見到我好驚咁係個地車站度蕩黎蕩去都唔叫我，尤得我蕩失路呀．．．無陰功．．．仲要比人笑呀．．．我呢個朋友仔係邊個？！知唔係人人見到都叫打的〝Ｋｅｌｖｉｎ媽〞囉．．．

號外呀...距離小安的大日子尚餘 --- １１日

好好好好好開心......

2005-12-13T11:23:00.000+08:00

現在係香港時間中午11:23分, 昨晚落左老蘭, 見到一"pair pair" gay呀, 哈哈哈... 見到佢地旁若無人咁真係幾鬼free喎, 仲要係大庭廣眾咁kiss呀... 天呀! 係咪我保守呢? 佢地居然咁鬼open, 雖然話每個人的性取向都唔同, 咁都唔駛咁卦, 最弊的係仲要坐係我隔離枱喎, 搞到我勁望住佢地呀, 但又唔笑得, 好慘架....

好啦, 講返自己, 昨晚係老蘭原先就我請的, 話晒都係自己先前失約嘛, 但後尾阿頭比左, 所以我地係要多謝阿頭架, 佢叫我唔好話比大家知架, 但係大家都知我係一善良寶寶啦.... kakakaka

各位, 我近排發覺到一樣野, 就係我的桃花原來都ok旺架, 哈哈哈哈....怪不之得年頭行花市果時, 勁比人地的桃花"仆"中我個頭啦.... 哈哈哈.. 原來係有原因的....

今日返工可以唔駛做野呀... 因為無人管呀, 所以有10個開心呀, 可以係度畫我鐘意的白痴公仔, 咁大家睇得開心, 我又畫得放心, 咁幾好呢... kakaka....

仲有, 我各位親愛的朋友們呀, 我的生日禮物呀, 記得準備呀, 我已經收左阿頭比果份啦, 大家想唔想知係咩野呢.... 就係呢條啦, 雖然唔襯我, 但係我真係勁like架, 都係阿頭最錫我... kakaka, 多謝阿頭...

今日好開心 ^__^

2005-12-11T23:47:00.000+08:00

唉！近排成日都聽到ＷＴＯ，ＭＣ６好鬼煩呀，但係聽到一樣野就係〝老闆要體諒員工遲到〞，咁我咪即係可以攞正牌到唔會比人嘈囉！呵呵呵

今日落街買魚旦食果時，見到一條友好鬼熟口熟面喎！（喂，小安，你煮左人地呀，做乜會"熟"口"熟"面架！　安：關你咩野事，駁我咀，想死呀！）原來佢係我以前唔知小學幾年級的同學黎架，當時我已經唔記得佢個名ｌｕ，佢原來現在做ｐｏｌｉｃｅ呀，真係估佢唔到，佢著左套制服又幾鬼“英”喎，跟住我地相認返，然後仲交換左電話ｎｏ.添呀！

弊啦！近排搞學校的野都唔記晒約左班朋友出黎傾計，各位好友，真係對唔住呀！我唔想架！大家原諒我啦，最多聽晚落ｂａｒ我的，算係同大家賠罪啦！嘿嘿！我今次記得呀，係咪好醒呢？

今日繼續係有號外架...倒數尚餘１３日，大家記得準備好啦．．．

有古怪...有古怪...

2005-12-09T23:59:00.000+08:00

今日撞到一個怪人，佢就係我的小學同學．．．阿輝．．．但其實我係唔認得佢架，好在佢認得我咋，所以先可以相認咋，原來佢住係我附近咋，佢唔講我都唔知，嘿嘿．．．

近排唔知做咩，個個人都問我有關台灣的野，各位大佬大姐呀，我其實唔熟台灣架，所以唔該咪玩我啦，唔好再問我有關台灣的一切啦，我乜都唔知呀．．．（最ｘ１０）個離譜的，就係我的同事個個都話我要嫁去台灣喎，喂！ｅ家乜事先，無端白事做乜要我嫁去台灣喎，我不知幾愛香港呀，所以我要留係度，支持曾特首，我係唔會走架．．．仲要高唱ＨＫ，Ｉ　ＬＯＶＥ　ＨＫ，Ｉ　ＬＩＫＥ　ＨＫ添呀．．　哇哈哈哈．．．

今日放工果時，係銅鑼灣見到一個以前教會的弟兄叫我返去，佢話好多弟兄都想見下我同好關心我的近況，但我未得住，因為我未放得低果件事，所以我仲未可以返去，我都知件事已經隔左好幾年，但放唔低就係放唔低，有時執著真係唔係咁好，但係如果無左呢ｄ執著的話，我驚我唔再係我．．．所以我唔係唔想返，只係仲未可以返住．．．

　　　　號外呀　　　號外呀
　　　日前收到一則可靠消息報導
　　　小安的生日只係尚餘１５日
　　　各位自認係小安好朋友的人
　　　禮物同驚喜記得要自備呀！
　　　仲有呀，呢個人話今年為左
　　　考驗大家對佢的愛有幾〝金〞
　　　佢決定同大家講金唔講心喎
　　　咁大家自己決定對佢的愛啦
　　　kakakakaka.......　　　

心情持續上揚呀~~~ ^__^

2005-12-08T23:34:00.000+08:00

kakaka...真係唔講唔知，講左都唔覺，覺又唔會認，原來我有咁多(變左青ｂｂ ~..~" )好朋友，小妹實在不勝感激，係我人生低潮時，大家都咁關心我，所以話呢，小妹平時一定係做得好事多，同埋平日實在係人緣太好啦，所以承蒙各位大人的厚愛，小妹的心情現在真係好到不得了....kakakaka

之不過有人無報到(簡直可惡呀)，我親愛的朋友們啊！你地真係要自求多福啦！正所謂小妹報仇，三年不晚，咁你地就自己看著辦啦！哇哈哈哈...（持續奸笑中 ...）

咁樣呢，小妹份人就唔自私架，古語有云獨樂樂，不如眾樂樂丫嘛！所以小妹決定發揮犧牲小我，完成大我的精神，比你地同我一齊開心，咁我已經幫你地ｓｅｔ好左你地的開心途徑啦！亦都只係得呢一種．．．．．就係買生日禮物比我，記住呀！我係你地最愛的好朋友呀！而我亦非常十分極度之讚成講金唔講心的，你地咪以為真係物輕情意重呀！係我個ｃｏｎｃｅｐｔ裡面無呢ｄ咁的野架，所以大家要識做呢．．．

　　　　號外呀　　號外呀
　　　　　以下係一則本地報導，經證實可靠消息提供
　　　　　小安的生日經已進入最後倒數階段... 尚餘16日
　　　　　而根據知情人士的透露，小安經己收左好多禮物
　　　　　所以大家一定一定要記得為十個字可以形容晒的－－
　　　　　精靈活潑可愛嬌俏動人的小安準備定
　　　　　一份別出心裁的大禮物啦~~　報導完畢
　　　　　各位觀眾～～～～～晚安 ^.^
　　　　（呢段請唱出來）

心情持續downgrade中...

2005-12-02T23:43:00.000+08:00

踏入十二月我都唔知自己做咩　心情好ｄｏｗｎ　成日都比人迫我做ｄ我唔想做的野　同ｄ唔想見的人同一個空間　感覺好討厭　工作上　又好似同ｄ同事唔係好夾到　課業上　功課又好似永遠都做唔完　試又好似永遠考唔完咁　考完一科又一科

有時都好想ｃｏｎｔｒｏｌ下自己的情緒　唔好發脾氣　要盡量忍　盡量調適自己　嚐試去以人地的角度去處理事情　但係好失敗　每次都會被情緒主宰一切　而我亦明白　咁樣蝕底會係自己　但係我就係唔想連人最基本的情緒都要收收埋埋　咁樣我會覺得更加辛苦　更加無左自己

有時會睇唔過眼某ｄ人　明明有ｄ野可以做好ｄ　但點解就係因為貪玩　咁就將ｄ野劈埋一邊唔理　既然係咁的話　當初就唔好應承人　

總之到呢個ｍｏｍｅｎｔ我都仲未有ｍｏｏｄ　　我唔想出到黎搞禍ｄ氣氛　因為對人歡笑背人愁真係好辛苦　我自問仲未能夠好好演繹到呢個角色　　所以咁多位好對唔住　再比ｄ時間我

請各位留意

2005-12-01T23:57:00.000+08:00

各位，今日有兩個消息要宣佈
一個好消息，一個壞消息
好消息就係各位唔駛買生日禮物比我
壞消息就係我突然想收埋自己
所以今年將唔會同大家一齊過X'mas
我諗我今年可能會收埋自己係上水

但大家唔駛擔心　當我調適到的時候
我會再同大家聯絡的　所以各位請給我時間
我都明白咁樣係好自私的行為
但我真係唔知做乜　突然間想自己一個

所以各位
對唔住　比時間我一個人靜一靜
諗一諗　我究竟想點樣　

今日睇聖誕禮物呀...

2005-11-30T23:50:00.000+08:00

今日同屋企人去左銅鑼灣行街，
係SWAROVSKI見到一個好靚的鏈咀呀
真係好鬼靚架，係←咁樣架，
十個靚呀，但係無買，嗚嗚嗚...

但係爸爸同姐夫都有買禮物送比媽媽同姐姐，
得我無呀，無陰功呀，人地真係好想要架嘛，
不過算啦，呢Ｄ咁女性化的野，
睇落又真係唔多岩我個ｓｔｙｌｅ

今年無得去旅行呀，做左成年都無得去，
原本想去ｄｉｓｎｅｙ架，但係勁貴呀，
痴線架，一百個貴呀，住一晚要２２００
仲未包入場費呀，咁樣加埋咪３０００

咁今年點算好呢.... 我親愛的朋友們呀，
現在又係考驗我地友情的事候啦，
現在係證明你地對我的愛啦... 哈哈哈...

差少少漏左個號外添
距離小妹的大日子尚餘 24 日

呵呵呵.... 心情超級好的說... 呵呵呵

2005-11-29T23:13:00.000+08:00

安爸無事啦... 差少少比個醫生嚇鬼死啦，
無端白事講到好嚴重，嚇得我個心仔卜卜跳呀
但原來係虛驚一場，嚇得我丫...

今日心情超好呀，同安爸去左大吃一餐耶
但我個減肥大計點算呀...　撒旦大人呀，
你不是耍我吧...我是好認真要減肥啦...

好啦... 今日會繼續有號外

小妹的生日尚餘２６日就到啦...
記住呀... 係２６日呀

第一次覺得自己真係好無用...

2005-11-28T10:45:00.000+08:00

第一次覺得自己真係好無用... 淨係識喊....
原來自己並唔成熟，仲未可以應負到

昨晚半夜，安爸入左醫院，果刻真係好驚，
因為安爸一向都好健康，亦無話睇醫生的，
所以當我聽到果刻，個人真係呆左，
乜都唔識做，原來要一下子長大，
真係好困難，同埋好辛苦，

好在家姐係度，佢真係好成熟，

可以ｈａｎｄｌｅ到，唔似我，淨係識喊，

安爸，你一定一定要無事呀，

所以要快ｄ好返呀....

嘩.... 救命呀, 我要減肥呀

2005-11-26T03:45:00.000+08:00

今日比人話我肥左呀... 唔制呀
我都知我肥，但都唔好咁樣ｈｕｒｔ我的弱小心靈呀

（喂! 都話你肥左啦，仲點會係"弱小心靈"呀）
無陰功呀....撒旦大人呀，你要幫我呀...嗚嗚嗚....

仲有呀...我個七彩頭髮呀...甩色呀...
已經甩得7788啦...現在變左白色呀...
我唔要做老婆婆 ( ~..~" ) 呀...嗚嗚嗚...

號外

好重要架，各方好友

一年一度的大日子

就係小妹生日啦

已進入倒數階段啦...尚餘 29 日呀....

大家記得買禮物比我呀...kakakaka

無得去夜街呀... 天呀...

2005-11-25T13:19:00.000+08:00

嗚嗚嗚.... 無陰功呀.... 今日無端端要（加ｘ8）班呀.....
明明我好勤力架嘛，做野又快靚正架嘛...

其實我都係遲左少少走姐.... 嗚嗚嗚....

無得去夜街呀... 爸爸出左個門禁呀...
都係自己衰啦，近排掛住睇"隨時候命"，
跟住就夜出街，嗚嗚嗚...
起碼要等爸爸無咁理我，我先可以出返街耶...
所以各方好友呀，你地要體諒我呀...我唔想架...

仲有... 今日聽新聞講，果個冬季咩咩咩已經有得睇啦...
（好想ｘ100）去睇呀，好靚呀，仲有就係要
睇燈色啦... 咁幾時先有得睇呢...唉...

昌哥，偉哥，大佬文，Janice，Tracy，Gloria，
小儀，森森，阿頭，賜哥，Debbie，Jennifer，

Peggy 記得　記得　記得　要等我呀...

超級無敵勁想睇架，好好好好好想睇呀

唉.... 年尾好似唔係好老黎咁呀....

2005-11-23T15:28:00.000+08:00

唉... 唔知係咪年尾真係唔多老黎呢...
又有朋友仔失戀啦....但點解個個失戀都搵我架...

雖然我係一個天資聰穎，善解人意，

心地善良，和藹可親的女孩子家，

但都唔好咁樣呀，聽得多會出事架，
正所謂．．．．突然間唔記得左，
記得的時我會補返架啦...大家唔好見怪呀...

講返正題，我諗梗今年 X'mas 去唔去旅行好呀...
唉... 好苦惱喎，又唔知去邊好，又唔知同咩"野"人去好喎...
天呀... (更正係撒旦大人先岩)... 你話比我知我要點做呀...

好啦，今日顛到呢到啦，有時間諗起先再顛過... kakakaka

HK.... i am back.....

2005-11-21T12:02:00.000+08:00

香港我返嚟啦... 嘿嘿...
講到好似離鄉背井左好多年咁添...
其實咪只係去左高雄幾日.... 但香港我掛住你呀...
除左工作...我樣樣野都有掛住架...
嘿嘿.. 呢幾日的行程其實都好豐富架，
我係一個超級路痴，就大家都知道啦，
但係唔緊要，安爸安媽都在，

所以無事，仲完整一個人...

大家唔駛掛住我，因為我無買手信呀...
哈哈哈... 昌哥你話唔駛買架，唔關我事呀
Tracy, Jancie, Deby, Toby, 你地話昌哥要咩，
你地就要咩架，咁昌哥唔要囉，咁你地....嘿嘿

至於偉哥呢，我有買呀，你叫到我實記得喎，
命苦呀...去個旅行仔姐，點知變左做妹仔呀...

去迪士尼做足準備....

2005-11-14T12:23:00.000+08:00

呵呵呵.... 今天去左Disneyland喎，
唔....佢比我感覺都唔係太差啦，

不過如果無咁多自由行，我諗個feel會好ｄ囉

我有玩到space mountain呀，結果撞到我瘀晒呀，

我係度強烈建議 Disneyland 要加多ｄ防撞欄

比 passenger 囉... kakakaka...

但係呢日我都玩得好開心架，如果可以加埋小妍，小靜，
昌哥，偉哥，小儀，大佬昌，熊熊，
輝仔，Tracy，Kelvin媽，阿齊，
賜哥，文少，阿頭，Janice，差少少
漏左（最ｘ５）重要的阿ｂｅｅ

都可以一齊去，咁就perfect啦，不過總有機會的．．．kakakaka

唉... 壓力呀...

2005-11-13T15:56:00.000+08:00

近排工作上的壓力太大啦，雖然無咩大野要搞，
但自己好像總不能勝任似的，所以成日都係度諗，
其實自係咪唔應該做呢行呢？！

不過都不要緊啦，就算適合又好，唔適合都好啦，
我諗我都係做埋今年算啦，可能我真係老啦
（唔係卦，仲係２字頭喎）
唔係好懂得怎去同ｄ後生的相處呀．．唉．．．

唉..... 唔開心呀.....

2005-11-03T13:33:00.000+08:00

心情超級 down 呀，好想去旅行，好想唔返工！！

近排都唔知做乜，做咩野都好似無心機咁，

返工又唔知自己做乜，又成日做埋ｄ唔想做的野喎...

（最ｘ５）慘係跟住個懵炳老細呀，搞到我都好似勁懵呀！